Қатты соққыдан екі әйел қалпақтай ұшты

photo_12736Атырауда автобус жүргізушісінің екі әйелді қағып өлтіргені туралы дерек бойынша қылмыстық іс қозғалды. «Абайсызда екі немесе одан да көп адамның өліміне әкеп соққан жол-көлік оқиғасы дерегі бойынша жол қозғалысы ережесін бұзу» бабымен қылмыстық іс қозғалды.
Баспасөз қызметінің өкілдері жол апатының 08.15-те болғанын нақтылады. Қаза тапқан әйелдер – 1953 және 1954 жылы туғандар. Облыстық ІІД баспасөз қызметінің жетекшісі Гүлназира Мұхтарованың айтуынша, «Балықшы – Авангард» 12-бағытындағы Daewoo автобусы қатты жылдамдықпен келе жатып, Сәтбаев даңғылында, «Тамаша» ойын-сауық және сауда орталығы маңында жаяу жүргіншілер жүретін жолмен өтіп бара жатқан екі әйелді қағып кетті. Қатты соққыдан екі әйел бірнеше метрге дейін ұшып кеткен. Айта кетейік, әкімшілік полиция қызметкерлерінің айтуынша, бұл өңірде Жаңа жыл күндері жол-көлік оқиғалары аз болған. 1-4 қаңтар аралығында Атырау қаласы мен облыста бір де бір жол-көлік оқиғасы тіркелмеген. Бірақ Жаңа жыл қарсаңында Атырауда көпшіліктің шамына тиген жол апаты болды. Полиция қызметкері қызметтік көлігімен екі адамды қағып кетті. Куәгерлердің бірі оқиғаны ұялы телефон камерасына түсіріп алған. БАҚ-тардың мәліметінше, облыстық Ішкі істер департаметінің қызметкерлері мұндай оқиғаның болмағанын мәлімдеді. Бірақ қала тұрғындарының телефон соғып, ашуланғанынан кейін жол апаты туралы мәлімет расталды. Бұдан кейін құқық қорғау органдары қызметкерінің жолдың көктайғақ бөлігінде тоқтай алмай, бір әйел мен бір қызды қағып кеткені анықталды. Ол әкімшілік жауапкершілікке тартылды, ал зардап шеккендер сараптама өтуден және шағымданудан бас тартты.

Алғашқы болып пікір жазыңыз

Пікір жазу

Э-пошта мекенжайыңыз жарияланбайды.


*