Жасөспірімдер қылмысы азайып келеді

Президент жанындағы Орталық коммуникациялар қызметінде өткен брифинг барысында ІІМ ӘПК ювеналды полиция басқармасының бастығы Әсет Оспанов журналистерге жасөспірімдер жасайтын қылмыстар туралы мәлімет берді.
Спикердің айтуынша, соңғы жылдардың статистикасы жыл сайын кәмелетке толмағандар жасаған қылмыстардың орташа есеппен 6%-ға, ал ағымдағы жылы 9%-ға (2388-ден 2171-ге дейін) төмендегенін көрсетеді. 2013 жылы 7 мың қылмыс тіркелсе, ал 2018 жылы 2002 қылмыс тіркелген.
Көптеген жағдайларда – бұл пайдакүнемдік-зорлық сипаттағы қылмыстар. Сонымен қатар, барлық қылмыстарды мектеп немесе колледж оқушылары жасайды екен. Осыған орай, мектеп аумағында құқықтық тәртіпті сақтау үшін, сондай-ақ, штат бойынша 2 мыңға жуық «мектеп полиция инспекторы» енгізілді. Тиістілік нормаларына жеткізу үшін тағы да 1900 бірлік қажет. Жергілікті атқарушы органдарға олардың штатын ұлғайту жөнінде тиісті ұсыныстар енгізілген.
– Биылғы жылдың қаңтар айында бейнебақылау стандарттары әзірленді және мектептердің барлық аумағын бақылауды қамтамасыз етуге және объектіге бөгде адамдардың кіруіне жол бермейтін, оларды орнату үшін орындар анықталды. Бүгінде, бейнебақылау жүйелерімен мектепке дейінгі ұйымдардың 14% және мектептердің 17% ғана қамтылған, – деді спикер.
Жыл сайын әртүрлі құқық бұзушылықтар жасағаны үшін полиция органдарына шамамен 100 мың кәмелетке толмағандар жеткізіледі. Негізінен, жасөспірімдер түнгі уақытта заңды өкілдерінсіз тұрғын үй-жайлардан тыс жерде жүргені үшін ұсталады. Кәмелетке толмағандарды бейімдеу орталықтарына панасыздық үшін 3 мыңнан астам жасөспірім жеткізіледі. Жыл сайын кәмелетке толмағандардың құқықтары мен заңды мүдделерін бұзғаны үшін 40 мыңнан астам ата-ана мен заңды өкілдер жауапқа тартылады.
Сонымен қатар, балалардың қауіпсіздігін қамтамасыз ету бүкіл қоғамның ерекше бақылауында.

Суретті түсірген Жандос КОКУМБАЕВ

Алғашқы болып пікір жазыңыз

Пікір жазу

Э-пошта мекенжайыңыз жарияланбайды.


*