Саптық байқау 3 рет өтеді

15 мамырда Ішкі істер министрлігінде Орталық аппарат қызметкерлерінің жазғы киім үлгісіне көшуіне байланысты саптық байқау өтті.
Іс-шараға қатысқан Ішкі істер министрінің орынбасары, полиция генерал-майоры Берік Бисенқұлов бұл дәстүрлі жиынның жеке құрам арасында тәртіп пен жауапкершіліктің сақталуына ықпал ететіндігін айтты.
Биылғы жылдан бастап дәстүрлі шараны өткізуге қатысты енгізіліп жатқан жаңашылдықтар туралы баяндаған Берік Байболұлы: «Бұған дейін саптық байқаулар жазғы және қысқы киім үлгілеріне көшуге байланысты жылына екі рет өткізіліп келсе, енді үш рет өтетін болады. Көктемгі және күзгі жиындармен қатар, 23 маусым – Полиция күніне орай да салтанатты киім үлгісіне көшуге байланысты да саптық байқау өтеді», – деді.
Министрдің орынбасары алаңда сапқа тұрған Орталық аппарат қызметкерлерінің киім үлгілері мен қызметтік куәліктерін тексеріп шыққаннан соң, тәртіп сақшылары әскери оркестрдің сүйемелдеуімен салтанатты саптық адыммен жүріп өтті.

Ескендір ТАСБОЛАТ, суретті түсірген Қанат КӨЛБАЕВ

Алғашқы болып пікір жазыңыз

Пікір жазу

Э-пошта мекенжайыңыз жарияланбайды.


*