Жезөкшелерге пәтерін жалға берген

Жезөкшелікпен айналысуға пәтерін жалға берген пәтер иесіне 240 мың 500 теңге көлемінде айыппұл салынды.
Наурыз айында Астана қаласы, Сарыарқа аудандық ІІБ-ның Жергілікті полиция қызметінің қызметкерлері әкімшілік аймақты тексеру барысында, «Көрінеу жезөкшелікпен айналысу немесе жеңгетайлық үшін үй-жайлар ұсыну» фактісін анықтады.
Пәтер иесі С. есімді азаматша Біржан Сал көшесінің бойында орналасқан өзінің тұрғын үйін жезөкшелікпен айналысатын үш жеңіл жүрісті қызға жалға берген.
Астана қаласының Мамандандырылған ауданаралық әкімшілік соты 39 жастағы азаматшаны ӘҚБтК 450-бабының 1-тармағы бойынша әкімшілік жауапкершілікке тартып, 100 АЕК (240 500 теңге) көлемде айыппұл салды және қызметі 3 айға уақытша тоқтатылды.
Жыл басынан бері Астана қалалық ІІД Жергілікті полиция қызметінің қызметкерлері ӘҚБтК-нің аталған бабы бойынша 5 құқық бұзушыға 1 млн 200 мың теңгеден астам айыппұл салып, әкімшілік жауапкершілікке тартты.

Астана қалалық ІІД Жергілікті полиция қызметі

Алғашқы болып пікір жазыңыз

Пікір жазу

Э-пошта мекенжайыңыз жарияланбайды.


*