Басқы бет / «Сақшы» газеті / Жаңалықтар / Азық-түлік бағасы арзандады

Азық-түлік бағасы арзандады

Қала басшылығы әлеуметтік маңызы бар азық-түлік өнімдерін тұрақтандыру бойынша мақсатты жұмыстар жүргізуде, деп хабарлайды Астана әкімдігінің медиа-орталығы.

«Бүгінгі таңда екі позиция бойынша бағаның төмендеуі байқалады: қырыққабат 36%-ға және картоп 22%-ға арзандады», – деп хабарлады медиа-орталық тілшісіне қалалық ауылшаруашылық басқармасы басшысының орынбасары Гүлмира Ермолдина.

«Елордада бір ай бұрын картоптың орта бағасының келісі 186 теңге болса, (09.07.2017 мәліметі бойынша), бүгінде келісі 145 теңгенің шамасында», – дейді ведомство мамандары. Тамызда қырыққабат екі есе арзандады. Ауылшаруашылығы басқармасының мәліметінше, әлеуметтік маңызы бар өнім елорда базарларында келісі 85 теңге шамасында саудалануда. Бір ай бұрын (09.07.2017) көкөністің келісі 133 теңгеден сатылды.

«Жалпы, қала бойынша баға жағдайы тұрақты. Тұрақтандыру үшін ірі сауда нысандарына қарыздар берілді. Олар тауарлардың 10 санаты бойынша 49 атаулы азық-түлікке бағаларын бекітті», – деп ақпараттандырды Г. Ермолдина.

Тамызда қалада тауық жұмыртқасының (бірінші санаттағы) бағасы төмендеді. Нарықта жұмыртқаның 10 данасының орта бағасы 268 теңге: бір ай ішінде 0,7%-ға немесе 2 теңгеге арзандаған.

Сұйық май 15 теңгеге немесе 3,6%-ға төмендеді: қазір өнімнің бір литрі 405 теңгені құрайды.

«Бұдан бөлек, бүгінгі таңда қант бағасы тұрақталғаны байқалады. Бізде тұрақтандыру қоры құрылған. Қазіргі күні ірі сауда нысандарындағы 33 сауда орнында тұрақтандыру қорынан алынған қанттың бір келісі 260 теңгеден сатылуда», – дейді елордалық ауылшаруашылығы басқармасы басшысының орынбасары. Ет өнімдерінің бағасы да тамызда сақталды. Сондай-ақ, басқармадағылар оны жыл соңына дейін сақталуы тиіс деген болжам жасауда.

«Ірі отандық тауар өндірушілермен жасалған келісім аясында сиыр етінің сатып алу бағасы белгіленді. Қазіргі таңда алдыңғы аяқ бөлігі 1350 теңгені құрайды және жыл соңына дейін сақталады», – деп мәлімдеді Ермолдина.

Айта кетейік, ауылшаруашылығы басқармасы әлеуметтік маңызы бар азық-түлік бағасына мониторинг жасаған. Бұл – мемлекеттік органдар бақылауға тиіс және бағалары шарықтағанда шара қабылданатын өнімдер. Қазіргі уақытта бұл тізімде азық-түліктің 19 атауы бар. Оған бірінші сұрыптағы бидай ұны, бірінші сұрыптан пісірілген нан, рожки, қарақұмық жармасы, күріш, сиыр еті (сан, төс бөлігі сүйекпен) және тауық еті (сан және жілік етімен), т.б. Көкөніс ішінен: картоп, сәбіз, асүй және ақбас қырыққабаты. Бакалея өнімдері: қант, тұз, күнбағыс майы, сары май (тұздалмаған, 72,5%-дан кем емес, толтырғышсыз және өсімдік майынсыз), тағы да басқа өнімдер.

Сондай-ақ, оқыңыз

Ел қорғанысы – ең басты парыз

Кеше Елбасы Нұрсұлтан Назарбаев қорғаныс министрі, генерал-полковник Сәкен Жасұзақовпен кездесті.

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған